Difference between revisions of "Legkuq Sinih Rugang"

From Kelabit Wiki
Jump to navigation Jump to search
(Created page with " == Lagkgu' Sinih Ruggang == Lakuh by Sarah Sakai :Lagkgu' sinih ruggang-ruggang :Lagkgu' daring-daring baruh midang : Lakuh Category:Request Inf...")
 
Line 6: Line 6:
 
:Lagkgu' daring-daring baruh midang
 
:Lagkgu' daring-daring baruh midang
 
:
 
:
 +
:Lungung adto sinih liang langit
 +
:Lagkgu' naganit lamud marait
 +
:Nah-nutuk mupa udung kiran dalit
 +
:
 +
:Kan mupa pa'ad madting lam wat
 +
:Gagap uih pelaba taut
 +
:
 +
:Awe' ini rasab Tuhan ranga' Iah nalan
 +
:Rasab malaikat nalan maya' liang ladan
 +
:Maya' liang sibo langit likan
 +
:Kasu nah mungu' tah wih sembayang
 +
:Ngalinuh anak kudih paki-paki inan
 +
:Nange dah kerja lam bawang tuan
 +
:
 +
:Naam man narih karab tulung idah
 +
:Nuk adtan baruh naam mantah narih milah
 +
:
 +
:Milah naru' lati' mantah uih narah idang
 +
:Ngarabut uduh maya' lam linayang
 +
:Mirat kian narih lat lam wang
 +
:
 +
:Kan kian lau' kayu' abpa' udan
 +
:Ame mikak lati' lam arur Payang
 +
:Lati' uih ngarabut uduh lam linayang
 +
:Uduh tinih mapat naam ludan-ludan
 +
:Mait man idang tinih narih naam taan
 +
:Idang male taran mantah anak kail tulang
 +
:Lati' lamibal puun uih lamibal raan
 +
:Ame mikak lati' ngi Arur Tuar
 +
:Nah naru' lapo uih daun kanangan
 +
:Nibu bua' datu' lamud bua' kiran
 +
:Nibu bua' bubpuh pah nangan
 +
:Nibu kayuh garu' maya' liang raan
 +
:Nibu kayu manis kuh lam rang
 +
:Awe adtah burur la' ngitun ngadan
 +
:Mala lakuh ngudah tiah do' ruggang-ruggang
 +
:Lakuh binala tinih bare kuh ngan Tuhan
 +
:Kan mala Amin-Amin mantah uih lam sembayang
 +
:: Dih manidun dih lakuh
  
  

Revision as of 09:04, 6 September 2018

Lagkgu' Sinih Ruggang

Lakuh by Sarah Sakai

Lagkgu' sinih ruggang-ruggang
Lagkgu' daring-daring baruh midang
Lungung adto sinih liang langit
Lagkgu' naganit lamud marait
Nah-nutuk mupa udung kiran dalit
Kan mupa pa'ad madting lam wat
Gagap uih pelaba taut
Awe' ini rasab Tuhan ranga' Iah nalan
Rasab malaikat nalan maya' liang ladan
Maya' liang sibo langit likan
Kasu nah mungu' tah wih sembayang
Ngalinuh anak kudih paki-paki inan
Nange dah kerja lam bawang tuan
Naam man narih karab tulung idah
Nuk adtan baruh naam mantah narih milah
Milah naru' lati' mantah uih narah idang
Ngarabut uduh maya' lam linayang
Mirat kian narih lat lam wang
Kan kian lau' kayu' abpa' udan
Ame mikak lati' lam arur Payang
Lati' uih ngarabut uduh lam linayang
Uduh tinih mapat naam ludan-ludan
Mait man idang tinih narih naam taan
Idang male taran mantah anak kail tulang
Lati' lamibal puun uih lamibal raan
Ame mikak lati' ngi Arur Tuar
Nah naru' lapo uih daun kanangan
Nibu bua' datu' lamud bua' kiran
Nibu bua' bubpuh pah nangan
Nibu kayuh garu' maya' liang raan
Nibu kayu manis kuh lam rang
Awe adtah burur la' ngitun ngadan
Mala lakuh ngudah tiah do' ruggang-ruggang
Lakuh binala tinih bare kuh ngan Tuhan
Kan mala Amin-Amin mantah uih lam sembayang
Dih manidun dih lakuh